உடல் உறுப்பு தானம் பற்றி அறிய

ஒருவரிடமிருந்து 25 வகையான உறுப்புகளையும் ,திசுக்களையும் தானமாக பெற முடியும் என்கிறார்கள் மருத்துவர்கள் .ஒரு மனிதன் பத்து நபர்களுக்கு தன் உறுப்புகளை தானமாக தந்து உதவலாம் . 

ஒவ்வொரு உறுப்பையும் முறைப்படி பாதுகாக்க வேண்டும் .அப்படி பாதுகாக்கும் போது அந்த உறுப்புகள் எத்தனை நாட்கள் அல்லது எத்தனை மணி நேரம் தாக்குப்பிடிக்கும் என்பதைப்பற்றி பார்ப்போம்.

Ø  தோல் ,எலும்பு ,இதய வால்வுகள் -  5 ஆண்டுகள் வரை 

Ø  கண்விழித்திரை (கார்னியா ) – 10 நாட்கள் 

Ø  சிறுநீரகம் – 3 நாட்கள் 

Ø  கணையம் – 20 மணி நேரம் 

Ø  கல்லீரல் – 18 மணி நேரம் 

Ø  இதயம் ,நுரையீரல் – 5 மணி நேரம் 

Ø  எலும்பு மஜ்ஜை - காலஅளவு மாற கூடியது 

யார் யார் தானமாக கொடுக்க முடியும் ?

இதய துடிப்பு நின்று போதல் ,நுரையீரல் செயல்பாட்டை இழத்தல், மூளைச்சாவு ஏற்பட்டவர்கள் (மூளை செயல் இழந்து போய் இதயம் மட்டும் துடித்து கொண்டு இருப்பதை 'மூளைச்சாவு' என்பர் .) இதுபோன்று பாதிக்கப்பட்டவர்களின் உடலில் இருந்து மட்டும் 25 வகையான உறுப்புகளை தானமாக பெற முடியும் .

எந்த விதமாக மரணம் நேர்ந்தாலும் இறந்தவர்களின் உடலில் இருந்து எலும்புகளையும் ,திசுக்களையும் எடுத்துப் பயன்படுத்திக் கொள்ள முடியும்.