உஷார்.....எச்சரிக்கை பகுதி -2

மீண்டும் உங்களுக்காக ஒரு உஷார்.....எச்சரிக்கை பகுதி.
இதோ என் அலுவலகத்தில் கூட வேலை பார்க்கும் நண்பர்களுக்கு நடந்த கசப்பான அனுபவங்களை கூறுகிறேன்.இதை படித்து உங்கள் வாழ்வில் இப்படி நடக்கமால் பார்த்து கொள்ளுங்கள்.   
சம்பவம் ஓன்று 
என் நண்பர் ஒருவர் விடுமுறைக்கு ஊருக்கு செல்ல சிறிது தூரம் பேருந்தில் பயணித்து விட்டு தில்லி ரயில் நிலையம் செல்ல ஆட்டோ ரிக்சா பிடித்து சென்று கொண்டுஇருந்தார்.

ஊருக்கு செல்வதென்றால் உங்களுக்கே தெரியும் எத்தனை உருப்படிகள் தூக்கி செல்வார்கள் என்று.அத்தனை சாமான்களை வைத்து கொண்டு செல்கையில் தில்லி வாகனங்கள் அதிகம் செல்லும் பாதையில் ஒரு ஓரம் ஆட்டோவை நிறுத்தி இந்தியில் தம்பி சாலையில் டிராபிக் அதிகமா இருக்கு என்னால இறங்கி தண்ணீர் பிடித்து குடிக்க இயலாது,இந்தா இந்த பாட்டிலில் தண்ணீர் பிடித்து வா என டிரைவர்  கூற பையனும் ஊருக்கு போற அவசரத்தில் தண்ணீர் பிடிக்க இறங்கினான்.அப்புறம் என்ன ஆட்டோ டிரைவர் லக்கேஜ்ஜுடன் கம்பியை நீட்டிவிட்டார். 
சம்பவம் இரண்டு   

"பெண்ணென்றால் பேயும் இறங்கும்"

மாலைபொழுது சாய்ந்து இரவு நேரம் நெருங்கும் வேளையில் நண்பர் தனது இருசக்கர வாகனத்தில் சென்று கொண்டுஇருந்தார்.அப்பொழுது இரு அழகான கால்சென்டர் செல்லும் இளம்பெண்கள் கையை அசைத்து லிப்ட் கேட்க நம்ம சாரும் இழிந்து கொண்டு ஐயோ பாவம் வண்டி கிடைக்கமால் இளம்பெண்கள் அவதிபடுவதை பார்த்து சார் இருவரையும் பின்னால் ஏற்றி சென்றுள்ளார்.

இருளான பகுதி வந்ததும் இருவரும் வண்டியை நிறுத்த சொல்லி உள்ளார்கள்.நம்ம தலைவரும் வண்டியை நிறுத்த அந்த இருபெண்ணும் ஹிந்தியில் மரியாதையாக கையில் உள்ள பணம்,மொபைல் அனைத்தையும் கொடுத்து விடு,இல்லேன்னா கையை பிடிச்சு இழுத்தான் என கத்தி ஊரை கூட்டி விடுவேன் என மிரட்டி உள்ளனர்.தலைவர் அலறி ஐயோ பொண்ணு கத்தினால் ஏன் என்று கேட்கமால் கூட இந்த ஊரில் அடிப்பாங்களே என கையில் உள்ளதை கொடுத்து விட்டு பைக்கில் பறந்து

விட்டார்.அன்றிலிருந்து வழியில் யார் லிப்ட் கேட்டாலும் கொடுப்பதில்லை.          

 உஷார்.....எச்சரிக்கை பகுதி-தொடரும்.... 

சும்மா தமாசுக்கு